منتديات رونق الحب  

الإهداءات


العودة   منتديات رونق الحب > الاقسام الادبية > شعر شعبي عراقي دارميات ابوذيات


شهد الشمري, لبوذيات عراقية

إضافة رد
 
LinkBack أدوات الموضوع انواع عرض الموضوع
قديم
05-27-2012, 02:55 AM
  المشاركة رقم: 1
المعلومات
الكاتب:
اللقب:
7aidar

البيانات
التسجيل: Dec 2011
العضوية: 1
المشاركات: 39,984
بمعدل : 36.40 يوميا

التوقيت

الإتصالات
الحالة:
H.V غير متواجد حالياً
وسائل الإتصال:

المنتدى : شعر شعبي عراقي دارميات ابوذيات
افتراضي ابوذيات عراقية 2012 للشاعرة شهد الشمري




,,

وحق بير الذي اليوسف حمدلا

وحق الصلة للباري وحمدلا

قضيتك مو طبيعية حمدلا

هدل متنك عليمن شنهي القضية
* * *
سألتك على جروحك ما شفت بيك

حزين وغير حزنك ما شفت بيك

شفت شمات عندك ما شفت بيك

اشتفو ربعك الطلعو راس حية

* * *
عليك شلون ما تصعب لونك

همت والشوك والعشرة لونك

اذا ونيت من يسمع لونك

اذا مالك محب فوك الوطية
* * *
عنيد وهلعنادة البيك مرة

اليزعلك روحلة وبالجذب مرة

يمكن يعترف بالشوك مرة

ويكلك منك احتاجيت جية
* * *
اريد ازعل عليك انا وجربك

هم تنساني لو شوكي وجر بك

تظل تبعد ومد وصلي وجر بك

وهم تكطع وصل شخصك علية
* * *
مو تعليم شعر الحب ترة الهام

وكلبي بس الك وحدك ترة الهام

لغيرك ما نطخ صدك ترة الهام

الك وحدك فقط ناخذ تحية
* * *
اعرفك واعرف اطباعك ونوياك

وكلبي كبل وناتك ونوياك

الدنية وكلبي وعيوني ونوياك

اذاً عندك بخت وحظيت بية
* * *
اريد اكعد واسولف الك وشراح

وغدة كلبي عليكم وذر وشراح

لو تدري من ادية اشفلت وشراح

وعلي جان انكسر كلبك علية
* * *
الم حسراتي انا ارجع وفلهة


ومشتاكة الروحك الغالي وفلهة

عجب للخانتك تبقة وفلهة

وانا الوياك ما سويت اذية
* * *
اضحك فدوة لجفونك وعيناك

جنة بلا وعي وهسة وعيناك

تعال ابكلبي افديك وعينك

وافصلك لون تتغير علية
* * *
زمانك لو زعل وياك خلة

واسكت لا تبين بيك خلة

مو سهلة الخليل يعوف خلة

بس صعبة الكرامة تموت بية
* * *
فاض الشوك بيه والمحنة

ويكون احظة بخيالك والمحنة

الم شمعات بيه والم حنة

حزنن لأن ما مريت بية
* * *
ربع عمري الج يرخص ونصفي

يحلوة ارجوج افهميني ونصفي

نصي غارك بحبج ونصفي

سبع لوعات بس يبجن علية
* * *
دريتك بيه تغدر واعلمنك

وصيتي يفوق صيتك واعلمنك

يطير الخير باجر واعلمنك

وصفالك وارد الحك الية
* * *
وحك حجة الاهك منتضركم

روحي بنار احطهة من تضركم

صار اشكد اتاني منتضركم

سبع ساعات ما فكرتو بية
* * *
منك بس خبر واحد وردنة

بنص الكلب خضرنة وردنة

ام الخير ردنالك وردنة

تجينة اتشوفنة ونكعد سوية
* * *
حبيبي الفوز انتة وانتة كاسة

دمعك نخب عمري وانتة كاسة

ترة فراكك هزيمة وانتكاسة

اذاً غصبن عليك تفوز بية






عرض البوم صور H.V   رد مع اقتباس

Powered by vBulletin Version 3.8.7
Copyright ©2000 - 2012, Jelsoft Enterprises Ltd
Search Engine Optimization by vBSEO ©2011, Crawlability, Inc.
رونق الحب|rss2|sitemap|ابراج اليوم|اغاني عراقية|كاشف الانفزبل|برامج تطبيقات
أنظم لمعجبينا في الفيس بوك ...